PANTHASALA – NOVEL WRITTEN BY CHANDANA PATHAK পান্থশালা – চন্দনা পাঠক – PURBAYON

গভীৰ জীৱনবোধ আৰু জীৱনমুখিতাৰ গভীৰতম বিন্দুত কৰা আৱাহন
চন্দনা পাঠকৰ
পান্থশালা
প্ৰকাশক : পূৰ্বায়ণ প্ৰকাশন, পাণবজাৰ, গুৱাহাটী-০১
জনপ্ৰিয় গল্পকাৰ, গীতিকাৰ, কবি চন্দনা পাঠকৰ ‘পান্থশালা’ পঢ়ুৱৈৰ বাবে এক মনোমুগ্ধকৰ ছাৰপ্ৰাইজৰ দৰে৷ লেখাৰ জৰিয়তে জীৱনৰ সৰলতম ৰূপ আৰু সৌন্দৰ্যৰ সন্ধান কৰি অহা এইগৰাকী লেখিকাই এই উপন্যাসতো জীৱনক নতুন আলোকেৰে উদ্ভাসিত কৰি তোলাৰ চেষ্টা কৰিছে৷ স্বৰূপাৰ্থতে ‘পান্থশালা’ গভীৰ জীৱনবোধ আৰু জীৱনমুখিতাৰে জীৱনৰ গভীৰতম বিন্দুত কৰা অৱগাহন৷ ‘পান্থশালা’ প্ৰকৃততে প্ৰেমৰ সুতীব্ৰ অনুভূতিৰ অসাধাৰণ বহিঃপ্ৰকাশ৷ উপন্যাসখনত আছে মন-মগজু জোকাৰি যোৱা অলেখ প্ৰশ্ন, যিবোৰ নিজৰ অজ্ঞাতেই আমি প্ৰত্যেকেই নিজৰ মাজত কঢ়িয়াই ফুৰিছোঁ৷ ঔপন্যাসিকে মাথোঁ কাহিনী আৰু চৰিত্ৰৰ মাজেৰে আমাক নিজৰ সৈতে মুখামুখি কৰোঁৱাইছে৷ সেইবাবেই উপন্যাসখনক প্ৰতিজন পঢ়ুৱৈৰে আত্মকথন অথবা আত্ম-অন্বেষণ আখ্যা দিব পাৰি৷ এই সাৰ্বজনীনতা আৰু সামূহিক আৱেগ-উপলব্ধিৰ মূৰ্ত প্ৰতিৰূপ হিচাপে উপন্যাসখনক গঢ় দিবলৈ সক্ষম হোৱাটোতে ঔপন্যাসিক চন্দনা পাঠকৰ সাৰ্থকতা। উপন্যাসখনৰ সাফল্য, জনপ্ৰিয়তাৰ গুপুত মন্ত্ৰও তাতেই নিহিত হৈ আছে৷ এই উপন্যাসৰ পাঠে প্ৰতিগৰাকী পঢ়ুৱৈকে নিজৰ সৈতে মুখামুখি হোৱাৰ এক অন্তৰতম অনুভূতি প্ৰদান কৰিব।